• Басты
  • Астанада ЭКСПО көрмесінде Цинхай провинциясының аптасы өтуде (ФОТО)
1 Тамыз, 2017 15:14

Астанада ЭКСПО көрмесінде Цинхай провинциясының аптасы өтуде (ФОТО)

Астанада ЭКСПО көрмесінде Цинхай провинциясының көрме аптасының ашылуы өтті. Осының аясында провинциядан 13 компания Астанаға келді. Негізінен компаниялар ЖЭК энергетикалық өнімдерімен айналысады. Провинция аптасының басты мақсаты - провинциямен таныстыру және Қазақстанмен бірлескен ынтымақтастық жасау үшін әріптестер іздеу.
Астанада ЭКСПО көрмесінде Цинхай провинциясының аптасы өтуде (ФОТО)

Цинхай провинциясы Куньлунь шыңында орналасқан. Провинция табиғи байлығымен және тамаша мәдениетімен танымал. Оның ауданы 720 ш. км құрайды. 

«Соңғы он жыл ішінде Цинхай ресурстарды игеру есебінен ерекше салаларды дамытуда. Жалпы ұлттық өнімнің үздіксіз өсу қарқыны 10%-дан астам. Жалпы экономикалық қуаттылығы, химия өнеркәсібі едәуір өскен, бұл мұнай және табиғи газ, тауларда өсетін өсімдік шаруашылығы, мал шаруашылығы және басқа да салалар. Қытай және тибет дәрілері, ұлттық киім мен әшекейлер, сондай-ақ өңдеу өнеркәсібі жақсы дамуда. Гидроэнергетика, жел энергетикасы, газ гидраттары және басқа да экологиялық таза энергия ресурстарын игеру және пайдалану жылдам қарқынмен дамып келеді», - деп түсіндірді XiNing Moonlight PV Technology компаниясының бас директоры Хао Ионг.

Сондай-ақ ол олардың компаниясы әлемдік нарықта жетекші орын алатын күн панельдерін жеткізу бойынша Қазақстанмен әріптестікті реттеу мақсатында да келгенін айтты. 

«Біз Астанадағы ЭКСПО-2017 көрмесінде өтіп жатқан Цинхай провинциясының аптасына қатысуға келдік. Біздің басты мақсатымыз - Қазақстанның нарығын зерттеу. Біз күн панельдерін шығарамыз және мұндағы әріптестермен жұмыс жасауға дайынбыз. Қазақстан біз үшін өте үлкен нарық. Біздің панельдеріміз инновациялық технологиялармен және бағасымен ерекшеленеді. Олардың әрбір бөлшектері толық пысықталады. Біздің панельдеріміз Цинхай провинциясында да, жалпы Қытайда да белсенді сатылуда. Біз Африка, Ирак, Пәкістан сияқты елдермен жұмыс жасаймыз және енді Қазақстан нарығына да шығып келеміз. Маған Қазақстан өте ұнайды, мұнда тек әріптестер ғана емес, сонымен қатар достар да тапқым келеді. «Бір белдеу, бір жол» бағдарламасы мен ЭКСПО  көрмесінің арқасында Біз Қазақстанға шығып, ұзақ мерзімді ынтымақтастық жасаймыз деп сенеміз», - деп бөлісті бас директор. 

Сондай-ақ көрме аптасының ашылу рәсімінде ынтымақтастық жасау туралы меморандумдарға қол қойылды.

Қайрат Жандыбаев

Барлық жаңалықтар