2017 жылы елордада жаңа балабақшалар ашылады

1 Тамыз, 2017 09:34

2017 жылы 480 орынға 2 мемлекеттік балабақшаны және Ұлттық компаниялармен қол қойылған меморандум аясында 720 орынға үш балабақшаны тапсыру жоспарланған, деп хабарлады қала әкімдігінің баспасөз қызметі.

Қазіргі таңда мемлекеттік–жекеменшік әріптестік шеңберінде 2019 жылы 1680 орынды қамтитын 6 балабақшаның жобасы жүзеге асырылуда.

Қазір астаналық балабақшаға 47 мыңға жуық бала барады. Олардың 27 193-і мемлекеттік, 14 854-і жеке бақшаға барады.

Шамамен 5 мың бүлдіршін шағын орталыққа және мектепке дейінгі мекемелерге (мектепке даярлық орталықтары) барады. Күн сайын жеке бақшаға жолдама алатын бүлдіршіндердің саны артуда.

Елордалық бүлдіршіндерді мектепке дейінгі дайындықпен 100% қамтамасыз ету мақсатында, жекеменшік сектормен тығыз жұмыс жүргізілуде. 2016 жылы мемлекеттік тапсырысы бар 4000 орында қамтитын 44 жеке балабақша ашылып, бүгінгі таңда қызмет жасауда.

Осы жылы Білім басқармасына кәсіпкерлер тарапынан 5 мыңнан астам орынды қамтамасыз ететін жекеменшік балабақшаларға тапсырыс берілген. Бұл санды арту жоспарланып отыр.

Барлық жаңалықтар