• Басты
  • Астанада 2018 жылы аула клубтарының саны көбеймек

Астанада 2018 жылы аула клубтарының саны көбеймек

31 Шілде, 2017 09:57
Астанада 2018 жылға дейін аула клубтарының саны 30-ға жетеді, деп хабарланды елорда әкімдігінің ресми сайтында.

Клубтарға тұрақты түрде екі мыңнан астам балалар мен жасөспірімдер барады.

"Бүгінгі таңда Астана әкімдігінің қолдауымен 18 аула клубы жұмыс істейді. Секциялар мен үйірмелердің жалпы саны - 109. Аула клубтарына тұрақты 2089 бала мен бозбалалар барады. Келесі жылы Астана қаласы әкімі Әсет Исекешевтің бастамасымен аула клубтарының санын 30-ға дейін жеткізу көзделген", - деп хабарлады «Астана жастары» КММ жетекшісі Мұхамеджан Болысбек.

Оның айтуынша, өткен жылмен салыстырғанда биыл клубтарға баратындар саны екі есеге өскен. Аула клубтарының басым бөлігі «Алматы» ауданында орналасқан, мұнда 10 аула клубы бар. Ал қалғандары Астананың өзге аудандарында. 

Бүгінде аула клубтары елордалық жастардың бос уақытын өткізетін және жеке қабілеттерін дамытатын орталыққа айналды. Клубтарда каратэ, бокс, еркін күрес, қол күресі, дзюдо, стол теннисі, шахмат және шашки бойынша секциялардың кең түрі қарастырылған.

Бұдан бөлек, жастарға шығармашылық таланттарын шыңдауға мүмкіндік беретін әртүрлі үйірмелер ашылған. Ал, спорт, ұлттық, және қолданбалы өнер, хореография және музыка салауатты өмір салтына баулиды.

"Бүгінде аула клубтарына баратын балалар мен бозбалалар спортпен айналысып, техникалық шығармашылыққа үйрене алады, өздерінің көшбасшылық қабілеттерін дамытады. Сол себепті қаланың барлық тұрғындарына балаларын аула клубтарына әкеліп, тегін оқытуға шақырамыз", - деп қосты М. Болысбек.

Барлық жаңалықтар