Парагвайдағы электрэнергияның 99,6%-ы гидроэлектрстанцияларымен өндіріледі
29 Шілде, 2017 15:07
Парагвай әлем бойынша таза жаңартылған энергияны өндіретін және экспорттайтын мемлекет. Елдегі электрэнергияның 99,6%-ы Итаипу, Якирета мен Акарай гидроэлектрстанцияларымен өндіріледі. Бұл туралы Парагвай Республикасы сыртқы істер министрінің орынбасары Оскар Кабельо ЭКСПО аумағындағы Парагвай Республикасының Ұлттық күнін атап өту барысында хабарлады.
ПР сыртқы істер министрінің орныбасары Оскар Кабельоның айтуынша, Латын Америкада жаңартылған энергия көздерін дамыту процесі жедел жүруде және ЭКСПО-2017 көрмесі Парагвайдың аталмыш саладағы жетістіктерін әлемнің өзге елдеріне таныстыруға мүмкіндік береді.
Атап өтер болсақ, соңғы он жылда көршілес елдерімен салыстырғанда парагвайлық экономика орташа есеппен 5%-ға көтерілді. Өнімділігі жоғары және заманауи ауыл шаруашылығы мен мал шаруашылығымен бірге бинарлық гидроэлектрстанциясы арқылы электрэнергиясы жетекші экономикалық қызмет болып саналады және ол 2015 жылы парагвайдың барлық экспортының 60%-нан астам бөлігін құрады.
