• Басты
  • "Даму" субсидиялау бойынша мемлекеттік қызмет алуды автоматтандыруды жоспарлауда
28 Шілде, 2017 15:56

"Даму" субсидиялау бойынша мемлекеттік қызмет алуды автоматтандыруды жоспарлауда

"Даму" қоры шағын және орта бизнесті қолдау аясында субсидиялау бойынша мемлекеттік қызмет алуды автоматтандыруды жоспарлап отыр. Бұл туралы Астанадағы "Ұлы Дала елі" атты ІІІ отандық тауар өндірушілер форумы барысында "Даму" қорының басқарма төрағасы Абай Сарқұлов мәлім етті.
"Даму" субсидиялау бойынша мемлекеттік қызмет алуды автоматтандыруды жоспарлауда

«Даму» қорының басқарма төрағасы хабарлағандай, қор тиімді құралдар есебінен отандық кәсіпкерлерді көбірек қамтуға ниетті.  

«Бұл – қызмет көрсетуді автоматтандыру, өнімділікті кеңейту, микроқаржыландыру, сондай-ақ жаңадан бастаған және жұмыс істеп жүрген кәсіпкерлерді оқыту», - деп атап өтті А. Сарқұлов.

Осыған байланысты, ол қор қандай қызмет көрсетуді автоматтандырудың іске қосылғаны жайында айтып берді. 

«Бүгінгі күні е-gov тұғырнамасының мемлекеттік қызмет көрсету порталымен ықпалдасу арқылы кепілдендіру құралын іске қостық. Бұл кепілдемелер алу жылдамдығын ұлғайтты, біздің кәсіпкерлер үшін белгілі бір ашықтық бар. Ол берілген өтінім рейтингін қадағалай алады. Бұл шағын және орта бизнесті қаржылай қолдау бойынша алғашқы мемлекеттік қызмет көрсету. Болашақта біз субсидиялау бойынша мемлекеттік қызмет көрсетуді автоматтандыруды жоспарлап отырмыз», - деді ол. 

Төрағаның айтуынша, 2016 жылғы сәуір және 2017 жылғы маусым аралығындағы кезеңде кепілдік алу тұғырнамасы бойынша 200 өтінім мақұлданған.  

Еске сала кетейік, бүгін «Ұлы Дала елі» атты ІІІ отандық тауар өндірушілер форумы барысында қор басшысы шағын және орта бизнес өкілдерін қолдаудың негізгі құралдары туралы айтып өткен болатын.  

Жалпы, отандық тауар өндірушілер форумы аясында «Қазақстанның үздік тауары» байқауының өңірлік жеңімпаздары тауарының және «Қазақстанда жасалған» көрмесінің 206 компаниясы өндірісінің республикалық байқау-көрмесі өтеді. 350 үздік компания өз өнімін ұсынады. Келушілер тауарды тікелей өндірушіден сатып ала алады.

Ақбота Күзекбай

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды