Ақтөбе облысының ЕАЭО елдерімен сауда айналымы 480 млн долларды құрады
26 Шілде, 2017 14:56
2017 жылғы қаңтар-мамырда Ақтөбе облысы бойынша өзара сауда ЕАЭО елдерімен 480700,7 мың АҚШ долларын құрады, оның ішінде экспорт – 225013,1 мың АҚШ долларын, импорт – 255687,6 мың АҚШ долларын құрады.
Ақтөбе облысы экспортының құрылымында басым бөлігін пайдалы қазбалар алады, олардың экспорттың жалпы көлеміндегі үлес салмағы 81% құраса, химиялық өнеркәсіп өнімдері - 2% құрады.
Ресей Федерациясы мен Беларусь Республикасынан, негізінен, мал шаруашылығы мен өсімдік шаруашылығы өнімдері, дайын азық-түлік тауарлары ЕАЭО елдерінен келетін импорттың жалпы көлемінен 16% құрайды.
Ал, пайдалы қазбалар және одан жасалған бұйымдар (шыны және одан жасалған бұйымдарды қоса алғанда) - 16%, химиялық өнеркәсіп өнімдері - 23% әкелінеді.
