Ақмола облысында тәулік бойы жұмыс істейтін курорт ашылады

25 Шілде, 2017 16:13

Бурабай ауданына THR (International Tourism Consultants) испан консультативтік компаниясы барды, ол халықаралық туристік жобаларды әзірлеумен айналысады, деп хабарлады Ақмола облысының коммуникация қызметі.

Компания Щучье-Бурабай курортының солтүстік аймағын дамытуды қарастырып жатыр, оның мақсаты әлемдік деңгейдегі тәулік бойы жұмыс істейтін курорт ашу.

Жобаны жүзеге асыру үшін 233 га болатын жер учаскесі таңдалып алынды, ол «Бурабай» Ұлттық паркінің батыс бөлігінде орналасқан.

Аталмыш учаскенің басымдылығы ол жергілікті жерден 3 шақырым қашықтықта орналасқан. Сондай-ақ, жағажай аймағының ландшафты туристік кластерді дамытуға қолайлы.

Қазіргі таңда инженерлік желі мен автожолдардың құрылысы бойынша инвестициялық жоба әзірленіп жатыр.

Айта кетейік, THR International Tourism Consultants компаниясы 1985 жылы Испанияда құрылды. 1000-нан астам жобалар Испания мен Кариб, Солтүстік Америка, Еуропа, Солтүстік Африка, Оңтүстік Америка елдерінде әзірленді.

Барлық жаңалықтар