Үкіметте ауыл шаруашылығы өнімдерін қайта өңдеу картасы таныстырылды

АШМ басшысы  айтып өткендей,  ауыл шаруашылығының тиімділігі аграрлық қайта өңдеуге байланысты. Себебі ол ауылшаруашылық өнімдерге сұраныс туғызып, оның қосымша құнын арттыра түседі.

«Осыны баса айтқан Вице-премьер өз сөзінде аграрлық қайта өңдеуді дамытудың экономиканың үшінші модернизациясының жобалық шеңбері аясында 5,3% көлемінде АӨК-тің жалпы өнімнің орташа өсім ырғағын қамтамасыз ететінін атап өтті. Яғни, оның жалпы өнім өсіміне орташа жылдық үлесі 50%-ды құрамақ. Мұның өзінде ауылшаруашылық өнімдерді қайта өңдеу үдерісі өсімдік шаруашылығы өндірісін 1,4%-ға, ал мал шаруашылығын 1,2%-ға арттырады», - деді А.Мырзахметов.

Сондай-ақ, АШМ тарапынан ауылшарушалық өнімдерін қайта өңдеуді дамытудың әлеуеті мен басымдықтарын анықтау үшін танымал ғалымдар мен қайта өңдеуші кәсіпорындар мамандары, «Атамекен» ҰКП және облыстық әкімдіктер өкілдерінен арнайы жұмыс тобы құрылды.

«Соңғы 4 айдың көлемінде кең ауқымды талдама жұмыстары жүргізіліп, ел аумағындағы барлық дерлік кәсіпорындардың анкеталары жасалып, ағымдағы мүмкіншіліктері зерттеп зерделеуден өтті. Осының негізінде олардың өндірістік ахуалы, қуаттылық деңгейі, енгізілу жылы, құрал-жабдық түрі, жүктелім мен шығарылатын өнім көлемі сынды тармақтары көрсетілген мәліметтер базасы әзірленді», - деді ол.

Бүгінгі таңда қолда бар мәліметтерге қарағанда, республика бойынша 1 345 белсенді қайта өңдеу кәсіпорыны бар.

Ақбота Күзекбай