• Басты
  • Биыл 4,4 мың шақырымдық 22 автожол жобасы жүзеге асырылады
25 Шілде, 2017 11:34

Биыл 4,4 мың шақырымдық 22 автожол жобасы жүзеге асырылады

Биыл 4,4 мың шақырымдық 22 автожол жобасы жүзеге асырылады. Бұл туралы ҚР Инвестициялар және даму министрі Жеңіс Қасымбек Үкімет отырысында баяндады.
Биыл  4,4 мың шақырымдық 22 автожол жобасы жүзеге асырылады

Министрдің айтуынша, ағымдағы жылы «Нұрлы жол» мемлекеттік бағдарламасы аясында жалпы ұзақтығы 4,4 мың шақырым болатын 22 автожол жобасын іске асыру қарастырылған.

«Орталық-Оңтүстік жобасы бойынша ұзақтығы 14 шақырым Теміртау-Қарағанды учаскесін қайта жаңғырту жұмыстары жалғасады және ұзақтығы 228 шақырым болатын Құрты-Бурылбайтал учаскесін жөндеу жұмыстары басталды. Сонымен қатар, бюджет есебінен 3 тоқсанның соңына дейін Қарағанды қаласының Солтүстік-Шығыс айналма жолының құрылысы мен реконструкциялау жұмыстарын бастау жоспарланып отыр», - деді Ж.Қасымбек.

Сондай-ақ,  Орталық-Шығыс жобасы бойынша 675 шақырым жолда жұмыс жүргізілуде.

«Жыл соңында Астана-Павлодар учаскесіндегі 230 шақырым жолда 4 жолақты қозғалысты ашу жоспарланған. Сондай-ақ, Семей-Қалбатау арасындағы ұзақтығы 36 шақырым болатын соңғы учаскедегі бөлікті аяқтау жоспарда бар», - деді  министр.

Жыл соңына қарай Астана-Теміртау (132 км), Алматы-Қапшағай (42 км) және Алматы-Қорғас (295 км) автожолдарында ақылы жүйені іске қосу жоспарланып отыр.  

Мемлекеттік бағдарлама аясында салынған жаңа астаналық «Нұрлы жол» темір жол вокзалы пайдалануға берілген кезден бастап шамамен 305 мың жолаушыға қызмет көрсетті.

Сондай-ақ, Бейнеу-Ақтау және Алматы-Талдықорған автожолын реконструкциялау жұмыстары толық аяқталатын болады.

Ақбота Күзекбай

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды