Ақтөбе облысында металл кендерін өндіру өсті
24 Шілде, 2017 11:58
2017 жылғы қаңтар-маусымда Ақтөбе облысы бойынша өнеркәсіп өнімінің көлемі артты, деп хабарлады облыстың статистика департаменті.
Өнеркәсіптік өндірістің индексі 104,9% құрады.
«2017 жылғы қаңтар-маусымда 2016 жылғы сәйкес кезеңмен салыстырғанда металл кендерін өндіру және кен өндіру өнеркәсібінің басқа салалары өндірісі өсті», - делінген хабарламада.
Қара металлургия, машина жасау, мұнай өңдеу өнімдерін өндіру, өзге металл емес минералдық өнімдерді өндіру, тамақ өнімдерін өндіру өсті. Өнеркәсіптік өнімдерінің өндіріс көлемінің өсуі 9 ауданда және Ақтөбеде байқалды.
Шикі мұнай өндіру өнеркәсібі және темір кендерін өндіру өнеркәсібі төмендеді.
