Қазақстанда мәдени-тарихи маңыздағы 450-ге жуық нысан бар
24 Шілде, 2017 09:12
ШҚО-ның көрнекті орындары Қазақстанның мәдени көрнектілігінің виртуалды картасына енеді, деп хабарлады облыс әкімдігінің баспасөз қызметі.
Құрамында картограф-топограф, геодезист, 3D-операторы бар команда Шығыс Қазақстан облысына өңірдің сакралды, тарихи-мәдени және туристік нысандарын виртуалды картаға енгізуге келді.
Жобаны ұйымдастырушылар айтып өткендей, «100 нақты қадам» Ұлт жоспары, 2014 жылғы ҚР мәдени тұжырымдамасы мен 2020 жылға дейін туристік саланы дамыту негізінде мәдени-туристік кластерді зерттеу, жүйелендіру және мәдени орындарды ғылыми картографтау жүзеге асырылады.
Осыған орай зерттеуі топтары құрылып, мәдени және тарихи орындарды виртуалды картаға енгізу бойынша жалпыхалықтық жоба әзірленді.
Жалпы, Қазақстанда 450-ге жуық тарихи-мәдени маңыздағы нысан бар. ШҚО-да зерттеушілерді 32 нысан қызықтырды.
