• Басты
  • Бизнеске қойылатын ақпараттық талаптар 30%-ға қысқарады
21 Шілде, 2017 10:33

Бизнеске қойылатын ақпараттық талаптар 30%-ға қысқарады

ҚР Премьер-Министрі Бақытжан Сағынтаев «Атамекен» ҰКП өңірлік кеңесінің мүшелерімен шағын және орта бизнесті дамыту және бизнес ортаны жақсарту шараларын іске асыру мәселелерін талқылады, деп хабарлады primeminister.kz.
Бизнеске қойылатын ақпараттық талаптар   30%-ға қысқарады

ҚР Премьер-Министрі Бақытжан Сағынтаев бизнес ортаны қайта реттеу шараларына толығырақ тоқталды.

«Рұқсаттар саны 3 еседен аса қысқартылды, бақылаудың 114 саласы және қадағалаудың 18 саласы қайта қаралды. Мемлекеттік органдарға есептіліктер мен мәліметтер ұсыну бойынша бизнестің міндеттері тұрғысынан заңнаманы тексеру басталды. Бірінші кезеңде қолданылған шаралардың нәтижесі бизнеске қойылатын ақпараттық талаптарды 30%-ға қысқарту болмақ», - делінген  хабарламада.

Ауыл шаруашылығында барлық қолдау шаралары АӨК дамыту мемлекеттік бағдарламасында қарастырылған. Оның ішінде – қаржы құралдары, жер ресурстарын тиімді пайдалану үшін жағдай жасау, ауылшаруашылық техникамен қамтылуды арттыру, сауда-логистикалық және ғылыми-технологиялық қамтуды дамыту.

Үкімет жоспарлы салықтық тексерулердің санын қысқарту бойынша жұмыс жүргізуде, сатып алулар саласын жетілдіруде және жергілікті қамту үлесін арттыру шараларын қолдануда.   

Мемлекеттік экономикаға қатысуын қысқарту мақсатында жекешелендіру рәсімдері жеңілдетілді, мемлекет пен квазимемлекеттік сектордың қатысуымен ЖШС-тегі үлесті сатып алудың басымдықты құқығы жойылды. Бұл бизнестің жекешелендіру үдерісіне қатысуын жандандыруы тиіс және кәсіпкерлерге жаңа тауашаларды игеруге мүмкіндік береді.  

Жаңғырту 3.0 аясында бизнес үшін жаңа мүмкіндіктер ашылуда, экономиканың жаңа салалары, жаңа индустриялар құрылып жатыр, қызмет көрсету, туризм, «қарапайым заттар экономикасы» салалары белсенді дамып келеді.  

Шағын және орта бизнес саласындағы ағымдағы жағдай бойынша «Атамекен» ҰКП басқарма төрағасының орынбасары Н. Әлтаев баяндама жасады. Облыстың кәсіпкерлер палатасының өңірлік кеңесінің мүшелері өзекті тақырыптарды қозғады.

«Екпін 2002» ЖШС директоры Е. Әбиев, «Атай СК» ЖШС құрылтайшысы Т. Қожахметов, «Арқалық» ШҚ басшысы Н. Барлыбаев, «Арт Строй» ЖШС директоры И. Валишин, «Барс-Nord» ЖШС бас директоры В. Богданов, «Радуга» ЖШС бас директоры Д. Шарапаев өнімді жұмыспен қамту және жаппай кәсіпкерлік бағдарламасын іске асыру мәселелерін қозғады, қаржы және рұқсат тетіктерін жетілдіру бойынша ұсыныстарын жеткізді.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды