19 Шілде, 2017 18:11

ЭКСПО-2017 ұйымы Астананы әлем картасында белгіледі

«Астана ЭКСПО-2017» ҰК» АҚ Басқарма Төрағасы Ахметжан Есімов Сауда және инвестиция министрі, Ұлыбританияның Парламент мүшесі Грэг Хэндс пен ЭКСПО-2017 көрмесіндегі Ұлыбритания ұлттық секциясының комиссары Чарльз Хендримен кездесті.

Компанияның қоғаммен байланыс департаменті хабарлағандай, тараптар баламалы энергия көздері мен елдер арасындағы екіжақты қарым-қатынасты, британиялық павильонның мазмұнын талқылады.

Ұлттық компания басшысы Ұлыбритания павильонына деген қазақстандықтар мен шетелдік қонақтардың қызығушылығы жоғары екенін айтып өтті.

«Бүгінде көрмені 1 200 000 адам тамашалады. Біз көрме аяқталғанша дейін екі миллион қонақ келеді деп болжаған едік, бұл көрсеткішке көрме аяқталғанға дейін жетеміз деген үміттеміз», - деді Ахметжан Есімов.

Ұлыбритания павильонында қазіргі таңда 1 500 000 келуші тіркелді, олардың саны 2 млн-ға жетеді деп күтілуде.

«Мен Қазақстанда 2002 жылы болдым, сол кездері елорданы көшіру бойынша күмәншілдік болған еді. Қазір Астана – Қазақстанның басты нүктесі. ЭКСПО Астананы әлем картасында белгіледі», - деді Грэг Хэндс.

Қазіргі таңда Ұлыбритания баламалы энергия саласында көшбасшы болып табылады. Елде күн, жел, толқын энергиясы қолданылады.

Айта кетейік, 26 маусымда ЭКСПО-2017 көрмесінде Ұлыбритания күні мерекеленді.