• Басты
  • БҚО-да жұмыссыз жастар саны 787 адамды құрады

БҚО-да жұмыссыз жастар саны 787 адамды құрады

19 Шілде, 2017 19:13
2017 жылдың 1 шілдесіне жұмыспен қамту орталықтарында тіркелген жұмыссыз жастардың саны 787 адамды құрады. Бұл туралы Батыс Қазақстан облысы коммуникациялар қызметінің алаңында кезекті брифингте мәлім болды.

Брифингте 2017 жылдың 21 шілде күні «URALSK JOB FAIR - 2017» жастарға арналған бос орындар жәрмеңкесі өтетінін жеткізді.

 Сонымен бірге, шара барысында сонымен қатар бизнес бастау, кәсіп ашу, жеке қабілеттерді дамыту, жұмысқа орналасу, білім беру бағдарламаларына қатысу мүмкіндіктері тақырыптары бойынша семинар-тренингтер ұйымдастырылады.

Статистикалық мәліметтер бойынша, облыс бойынша 145 мыңнан аса жастар болса, 2016-2017 оқу жылында облыс бойынша жоғары оқу орындарын 7478 түлек аяқтап отыр. Оның ішінде 2152 педагог мамандар, 401 ауыл шаруашылығы маманы, 2156 техникалық мамандық иелері бітіріп отыр. Облыс бойынша 91 673 жас жұмыс күшін құрайды. 2017 жылдың 1 шілдесіне жұмыспен қамту орталықтарында тіркелген жұмыссыз жастардың саны - 787 адам.

ҚР Еңбек және халықты әлеуметтік қорғау министірлігі «Еңбек ресурстарын дамыту орталығы» АҚ жүргізген зерттеулері негізінде БҚО бойынша сұранысқа ие мамандықтар - білім саласы мамандары (мұғалімдер, соның ішінде математика пәні бойынша, спорт жаттықтырушылары), инженерлер, мәдениет саласы мамандары, медицина қызметкерлері.


Айта кетейік,  2017 жыл басынан  Жұмыспен қамту органдары арқылы 2410 жас жұмысқа орналастырылды. Оның ішінде 723 адам қоғамдық жұмысқа, 56 жас- әлеуметтік жұмыс орындарына, 428 түлек кәсіптік білім алуға, «Жастар практикасы» бағдарламасына 626 жас жолданды.
 

Барлық жаңалықтар