Индонезия кәсіпкерлік саласында ынтымақтасуға мүдделі
19 Шілде, 2017 17:57
Жақында Қызылорда облысы кәсіпкерлер палатасына Қазақстандағы Индонезия Республикасы елшілігінің экономикалық жəне саяси сұрақтар бойынша бірінші хатшысы Торанг Пакпахан бастаған делегация келді, деп хабарлайды облыс әкімдігінің баспасөз қызметі.
Бұл сапарда Индонезия кәсіпкерлері мен аймақ іскерлері арасында байланыс орнату, екі жақты сауда-саттық және инвестициялық мүмкіндіктерін қарастыру, импорт және экспорттық әлеуетті арттыру мәселелері талқыланған.
«Өз кезегінде индонезиялық делегаттар қазан айында Бантенде өтетін Сауда көрмесіне шақырды», - делінген хабарламада.
Сондай-ақ, Қызылорда облыстық кәсіпкерлер палатасы мен Индонезия Республикасының Сауда-өнеркәсіп палатасымен меморандумға отыру шарасын ұйымдастыру мүмкіндіктері қарастырылуда.
