Қостанай облысында репродуктор- шаруашылық іске қосылды
28 Желтоқсан, 2013 14:00
Қостанай облысы Қарабалық ауданында репродуктор шаруашылығы іске қосылды, деп хабарлайды облыс әкімдігінің баспасөз қызметі.
«800 бас ірі қара шаруашылығы «Терра» ЖШС-нің Индустрияландыру картасы аясында іске қосылды. Бұл аудандағы төртінші инвестициялық жоба», - делінген хабарламада.
Хабарламада айтылғандай, шаруашылық абердин-ангус тұқымды етті ірі қара малын өсірумен айналысады. Жобаның жоспарлы көрсеткіші 1 млрд теңгеден асады.
Шаруашылық жылына 427 бас малды асырауды жоспарлап отыр. Нәтижесінде жыл сайын 60 тонна ет өндірмек. Жаңа нысанда 30 жаңа жұмыс орны ашылды.
