Корея 2030 жылға дейін ЖЭК өндірісін 20%-ға дейін ұлғайтуды жоспарлап отыр

19 Шілде, 2017 14:56

Оңтүстік Корея экологиялық таза энергияны насихаттау жұмысын мемлекеттік деңгейде жүргізуде. 2030 жылға дейін мемлекет энергия өндірісін жаңартылатын көздер арқылы 20%-ға дейін ұлғайтуды жоспарлап отыр. Бұл туралы Кореяның Сауда, өнеркәсіп және энергетика министрлігінің тұрақты комиссары Ким Енг Сам ЭКСПО-2017 көрмесінде Корея Республикасының Ұлттық күнін атап өту барысында мәлімдеді.

ЭКСПО-2017 көрмесінің медиа орталығында хабарлағандай, бүгінгі таңда Корея павильоны келушілері ең көп павильондардың бірі болып табылады.

Сондай-ақ павильон комиссары екі елдің екіжақты экономикалық қарым-қатынастары туралы да айтып берді.

«Қазақстан Корея Республикасынан Орталық Азияға орасан зор инвестиция тартқан елге айналды. 1992 жылы Корея Республикасының Қазақстанға инвестицияларының көлемі 21 млн долларды құраса, қазіргі уақытта 3,78 млрд долларды құрап отыр. Корея Республикасына саяхаттап баратын қазақстандықтардың саны 30 %-ға артқанын айта кету керек», - деп атап өтті Ким Енг Сам.

ҚР инвестициялар және даму вице-министрі Ерлан Хайыров Қазақстан мен Кореяның экономикасы бір-бірін өзара толықтыратынын атап өтті. Қазақстанда кореялық «Kia» және «Hyundai» компанияларының автомобиль модельдері көп жыл бойы пайдаланылып келетінін атап өтті. Сондай-ақ ол біздің елдеріміздің жақындығы мен бауырластығы тарихпен байланысты екенін де айтты.

«Өздеріңіз білетіндей, Қазақстанда 100 мыңнан астам этникалық кәрістер тұрып жатыр. Сондықтан, біздің халықтарымыздың тарихи қалыптасқан жақындығы мен бауырластығын атап өтпеуге болмайды. Қазақстан Кореяның тәжірибесін белсенді қабылдауда. Көптеген студенттер әр түрлі бағдарламалардың арқасында сапалы жоғары білім алуда. Бүгінде Корея әлемнің энергия тиімді елдерінің бірі болып табылады», - деді Ерлан Хайыров.

Кездесудің ресми бөлігінен кейін қонақтар белгілі кореялық В-Воу командасы бишілерінің, сондай-ақ «Sorea Band» К-pop тобының өнерлерін тамашалады. Сонымен қатар, сахнада дәстүрлі кореялық жауынгерлік өнер – таеквондо көрсетілді.

Сондай-ақ, қала қонақтары мен тұрғындары үшін атақты кореялық актер Со Кан Джунмен фан-митинг ұйымдастырылды.