Ақордада Қазақстан мен Корея қарым-қатынастарын одан әрі дамыту мәселелері талқыланды
19 Шілде, 2017 10:41
Мемлекет басшысы Корея Республикасының бұрынғы президенті Ли Мен Бакпен кездесті, деп хабарлады Ақорданың баспасөз қызметі.
Нұрсұлтан Назарбаев Корея Республикасының бұрынғы президенті Қазақстанға келіп отырғанына қуанышты екенін айтып, оған «ЭКСПО-2017» халықаралық көрмесінде Корея Республикасы павильонының ашылу рәсіміне қатысқаны үшін ризашылық білдірді.
«Сіз Корея Республикасының Президенті болған кезде елдеріміздің ынтымақтастығы стратегиялық деңгейге көтерілді. Сол нәтижеге қол жеткізу үшін көп жұмыс атқарылды», – деді Қазақстан Президенті.
Әңгімелесу барысында тараптар Қазақстан мен Корея қарым-қатынастарын одан әрі дамытудың мәселелерін қарастырып, оның аясын кеңейту қажеттігін атап өтті.
