Б.Сапарбаев «Туған жер» бағдарламасын жүзеге асыруға қатысуға шақырды
18 Шілде, 2017 17:59
Ақтөбе облысының әкімі Бердібек Сапарбаев ақтөбелік журналистерді президенттің «Туған жер» бағдарламасын жүзеге асыруда өз үлестерін қосуға шақырды. «Ақтөбе – құтты мекен» форумы осы бағдарлама аясында өтуде.
Қыркүйекте Мемлекет басшысының «Туған жер» бағдарламасын жүзеге асыру бойынша тапсырмасын орындау үшін әлемнің 15 елінен келетін 300-ден аса Ақтөбе облысының тумасы қатысатын «Ақтөбе – құтты мекен» форумын өткізу жоспарлануда
Б.Сапарбаев сондай-ақ, күн сайын БАҚ пен әлеуметтік желілердегі жарияланымдарды, соның ішінде сыни материалдар мен халықтың арыздарын бақылап отыратынын атап өтті.
«Мен сіздердің материалдарыңызды қарап отырып, қорытынды шығарамын, кемшіліктерді жоюға тапсырма беремін,-деп сөзін түйіндеді Б.Сапарбаев.
