Өскемен қаласының әуежайында автоматты багаж беру желісі іске қосылады
18 Шілде, 2017 15:56
Өскемен қаласының әуежайын қайта құру аяқталуға жақын. Бұл туралы Шығыс Қазақстан облысының әкімдігінде хабарланды.
Қыркүйек айынан бастап облыс орталығының әуежайында автоматты багаж беру желісі жұмысын бастайды.
Қазіргі уақытта өңірде әуе көлігі инфрақұрылымын дамыту саласындағы үш жоба іске асырылып жатқанын атап өту қажет. Семейде ұшу-қону жолағын, жермен жүру жолдарын және аэровокзалды қайта құру жұмыстары жүргізілуде. Облыс орталығында сағатына 200 жолаушыға арналған терминалдың құрылысы және халықаралық әуежайдың аэровокзалдық кешенін қайта құру жүргізіліп жатыр.
Облыс орталығындағы объектідегі жұмыстарды жаздың соңында аяқтау жоспарланып отыр.
