Қазақстан Президентіне «Изабелла Католическая Ордені» беріледі

«25 жыл  ішінде Қазақстан  халықаралық жетістіктерге жетті. Мен Қазақстан Президентіне  Қазақстан мен Испания арасындағы қарым-қатынастың дамуына  қосқан үлесі үшін алғыс білдіремін. Сондықтан да  Испания Үкіметі Президенттің үлесін ерекше атап өткісі келеді, мен бүгін Н.Назарбаевқа  «Изабелла Католическая Орденін» табыстау мүмкіндігіне ие боламын.  Өз кезегінде,  мен үшін бұл  үлкен мәртебе», - деді Ана Пастор.

Айта кетейік, бүгінде ЭКСПО-2017 көрмесінде Испания күнін  мерекелеу басталды. Испанияның мәдени бағдарламасы  26 шілдеге дейін жалғасады.

Изабелла  Католическая Ордені (Orden de Isabel la Católica) — Испания Королдігінің азаматтық ордені, мемлекетке қызметке үлес қосқаны үшін табысталады. Орден шетел азаматтарына да беріледі. Оны  VII  Фердинан 1815 жылдың 14 наурызында Изабелла Кастилия  патшайымының  құрметіне тағайындады. 1847 жылдың  26 шілдесінде Корольдік декреті азаматтық қызметі  атағын қосып,  «Изабелла Католическая Ордені» етіп өзгертті.

Ақбота Күзекбай