«Қорқыт ата» әуежайы арқылы жаңа әуе рейстерін ашу жұмыстары жалғасуда

Облыс әкімдігі хабарлағандай,  бюджеттен тыс қаржы көздері есебінен жобаның 7,5 млрд. теңге болатын мемлекеттік сараптамадан өткізілген техникалық-экономикалық негіздемесін әзірленді.

Осыдан екі жыл бұрын, облыс әкімдігінің бастамасымен Қазақстан Республикасы Үкіметінің «Мемлекеттік мүлікті республикалық меншіктен коммуналдық меншікке берудің кейбір мәселелері туралы» №871 қаулысы қабылданды. Соның негізінде «Қорқыт Ата әуежайы» АҚ-ның республикалық меншіктегі 100 % акциясы коммуналдық меншікке берілді.

2015 жылдың 14 желтоқсанында Қызылорда облысының жолаушылар көлігі және автомобиль жолдары басқармасы мен «Kazakhstan Project Preparation Fund» ЖШС арасында Қызылорда қаласында өткізу қабілеттілігі сағатына 250 жолаушыны құрайтын жаңа жолаушылар терминалы құрылысының тұжырымдамасын әзірлеу және жобаны сүйемелдеуге келісім шарт жасалды.

Осы мақсатқа 2015-2017 жылдар аралығында облыстық бюджеттен 87,0 млн теңге қаржы қаралып, жұмыстар жүргізілуде.