• Басты
  • Қ. Тоқаев Чехияның "жасыл экономиканы" дамытудағы тәжірибесін жоғары бағалады (ФОТО)
17 Шілде, 2017 09:09

Қ. Тоқаев Чехияның "жасыл экономиканы" дамытудағы тәжірибесін жоғары бағалады (ФОТО)

Әлемдегі күрт демографиялық өсім мен ондағы табиғи ресурстардың шектеулі болуы жағдайларында Президент Нұрсұлтан Назарбаевтың көрмеге "Болашақтың энергиясы" деп ұсынған тақырыбы өте өзекті болып табылады, деп атап өтті ҚР Парламенті Сенатының Төрағасы Қасым-Жомарт Тоқаев "ЭКСПО-2017" халықаралық мамандандырылған көрмесінде Чехия Ұлттық күнінің салтанатты ашылу рәсімінде.
Қ. Тоқаев Чехияның "жасыл экономиканы" дамытудағы тәжірибесін жоғары бағалады (ФОТО)

«Болашақтың энергиясы» тақырыбындағы көрмені өткізе отырып, Қазақстан «таза» энергияны дамыту идеясын жаһандық ілгерілетуге қомақты үлес қосуда", - деп санайды спикер.

Сенаттың баспасөз қызметінде хабарлағандай, Еуроодақ мемлекеттерімен, соның ішінде Чехиямен өзара тиімді ынтымақтастық Қазақстанның жаңғыруына қатысты міндеттерді табысты орындауына оң ықпал ететін болады.

«Чех Республикасы халықаралық аренада Қазақстанның сенімді серіктесі болып табылады, біздің арамызда жан-жақты өзара әрекеттесу мен барлық деңгейдегі сенімді диалог орнатылған» ,- деді Сенат Төрағасы.

Төраға өз сөзінде саяси, сауда-экономикалық, инвестициялық және мәдени-гуманитарлық аспектілер кіретін екі жақты ынтымақтастықтың оң динамикасын атап өтті.

«Біз Чехияның жаңа технологияларды құру, жаңартылатын энергия көздерін пайдалану, туризм мен білім беруді ілгерілету жөніндегі озық тәжірибесін жоғары бағалаймыз. Астанадағы көрмеде «жасыл экономиканы» және «таза технологияларды» дамытудағы Чехияның жетістіктерін паш ету осы салалардағы біздің ынтымақтастығымызды кеңейту мен нығайту үшін тамаша мүмкіндік болады деп есептеймін», -деді Қ.Тоқаев.

Чехия Парламенті Сенатының Төрағасы Милан Штех адамзатты алаңдататын мәселелерді шешудегі «ЭКСПО-2017» көрмесінің маңызды рөлін атап өтті. Теңізге шығатын жолы және үлкен шикізат қоры жоқ Чехия баламалы энергия көздері ресурстарын тұтыну және пайдалану проблемаларын шешудің жолдарын бірлесе іздеуге мүдделі.

Ашылу салтанатына қатысушылар Чехия Ұлттық павильонының экспозицияларымен танысты, онда Қ.Тоқаев құрметті қонақтар кітабында жазба қалдырды. Содан кейін шараға қатысушылар Қазақстанның «Нұр Әлем» павильонын аралады.
 

Барлық жаңалықтар