"Орталық-Батыс" жобасы бойынша құрылыс жұмыстары 2020 жылы басталады

14 Шілде, 2017 19:11

Астананы батыспен байланыстыратын «Орталық-Батыс» жобасы 2020 жылдары жүзеге асырыла бастайды. Бұл туралы "Стратегия" пікірталас алаңында ҚР ИДМ Автомобиль жолдары комитетінің бас сарапшысы Еркебұлан Супалдияров мәлімдеді.

«Астананы батыспен байланыстыратын «Орталық-Батыс» жобасы да қолға алынып жатыр. Ол «Астана-Арқалық-Торғай-Ырғыз-Шалқар-Қандыағаш» бағытын қамтитын болады. Бүгінде жобалық-сметалық құжаттама әзірленуде. Бұл жұмыстарды 2018 жылы аяқтауды көздеп отырмыз. Бұдан басқа, қаражат мәселесін шешу үшін банктермен келіссөздер жүргізілуде. Құрылыс жұмыстарын 2020 жылы бастау көзделген», - деді Еркебұлан Супалдияров.

Сонымен қатар, ол «Ақтөбе-Атырау-Астрахань» бағыты бойынша құрылыс жұмыстары биыл басталатынын айтты.

«Ақтөбе-Атырау-Астрахань» бағыты бойынша құрылыс жұмыстарын ағымдағы жылы байтаймыз. Бұл жол торабы жылдың соңына дейін пайдалануға беріледі», - деп түйіндеді Еркебұлан Супалдияров.

Айта кетейік, Strategy2050.kz АА ақпараттық-сараптамалық порталы мен «Астана радиосының» бірлескен «Стратегия» пікірсайыс клубы алаңында елдегі маңызды мәселелер талқыланады.

Мөлдір Асқар

Барлық жаңалықтар