Ұ.Әліпов «Орталық-Батыс» жобасының кешеуілдеу себебін түсіндірді

«Бүгінгі таңда  Қостанай-Ақтөбе арасындағы жолда күрделі жөндеу жүргізілуде. Ақтөбе облысында жөндеу жұмыстары аяқталды.  Қазір Ақтөбе  шекарасынан бастап Қостанайға дейін Денисовка елді мекенінің маңында жолдар жөнделуде. "Орталық - Батыс" бағыты бойынша,  қазір  Астана – Қорғалжын-Егіндікөл –Державинск-Арқалық-Торғай – Ырғыз (жаңа бағыт)   – Шалқар – Қандыағаш – Атырауға тура шығатын жолдар жөнделіп жатыр. Ал, Ырғыздан Ақтөбеге «Батыс Еуропа-Батыс Қытай» жолы бойынша  баруға болады», - деді Ұ.Әліпов.

Сондай-ақ, ол әлеуметтік желіде қойылған сұрақтарға жауап беру барысында Державинск маңайындағы жолдар жергілікті әкімшілікке қатысты екенін айтып өтті. Осы орайда, жергілікті   жолдардың жөндеу жергілікті әкімшіліктердің құзіретіндегі шаруа екенін айтты. Ал жалпы "Орталық-Батыс" жобасы құрылысының кешеуілдеуін Ұ.Әліпов былай түсіндірді. 

«Қазір банктермен келіссөздер  жүргізілуде. Ал, банктермен келісімшарт  Парламентке ратификациялану үшін бағытталады. Кейін ол  заңға  Елбасы қол қоюы тиіс. Осындай үрдістер болғаннан кейін қаражаттың бөліну мерзімі созылып кетеді», - деді ол.

Айта кетейік, Strategy2050.kz АА ақпараттық-сараптамалық порталы мен «Астана радиосының»  бірлескен  «Стратегия»  пікірсайыс  клубы  алаңында елдегі маңызды мәселелер талқыланады.  Клуб отырысы айына екі рет, жұма күні сағат 17:00-де «Астана радиосының» тікелей толқынында тарап, Strategy2050.kz сайтында онлайн жүйесінде көрсетіледі.

Аягөз Құрмаш