• Басты
  • ЭКСПО көрмесінің билет бағдарламасына түзетулер енгізілді
14 Шілде, 2017 16:28

ЭКСПО көрмесінің билет бағдарламасына түзетулер енгізілді

15 шілдеден бастап ЭКСПО-2017 көрмесінің билет бағдарламасына түзетулер енгізіледі. Бұл туралы «Астана Экспо-2017» ҰК» АҚ коммерцияландыру департаментінің директоры Дәулет Еркімбаев ЭКСПО-2017 медиа-орталығында өткен баспасөз конференциясында хабарлады.
ЭКСПО көрмесінің билет бағдарламасына түзетулер енгізілді

«Астана күнін атап өтуге орай, 1-10 шілде аралығында бірқатар іс-шаралар өткен болатын. «Жастар» билеті енгізілді, ол бойынша балалар мен 17 жасқа дейінгі жасөспірімдер мереке және демалыс күндері көрмеге тегін бара алады. Бұл билет келушілердің арасында жоғары сұранысқа ие болды, олардың жалпы саны 50 мыңнан асты. «Кешкі билетті» 40 мың адам сатып алды. Алайда, өкінішке орай, «3+1» акциясы мұндай үлкен сұранысқа ие болмады. Сондықтан біз оны тоқтаттық», - деп хабарлады Д. Еркімбаев.

Департамент директорының ақпараты бойынша 15 шілдеден бастап сатылым жүйесінде билеттердің үш санаты ғана қалады: құны 4000 теңге болатын, кез келген күнге арналған, күні белгіленген билет, құны 6000 теңге болатын, кез келген күнге арналған, күні белгіленбеген билет, сондай-ақ құны 2000 теңге болатын, кез келген күнге арналған кешкі билет.

«Осылайша, бізде демалыс күндеріне арналған билеттер сатылмайды. Кәдімгі билеттер және кешкі билеттер бар. Осы ретте азаматтардың белгілі бір санаттары үшін 50% мөлшеріндегі жеңілдіктер сақталады. 15 шілдеге дейін сатып алынып, пайдаланылмаған және күні бойынша белгіленбеген, демалыс күніне арналған, күні белгіленбеген билет көрмеге бір күнде (билетті турникетте 2 рет санау арқылы) және кез келген басқа күні екі рет кіруге мүмкіндік береді», - деп қосты спикер.

Абонементтердің құны 50 мың теңгеден 25 мың теңгеге дейін төмендетілгенін айта кеткен жөн. Мұндай билеттерге қатысты азаматтардың белгілі бір санаттары үшін 50% мөлшерінде жеңілдіктер қолданылады.

Ақбота Күзекбай

Барлық жаңалықтар
3.235.136.34, 192.168.88.100