Эстель Антонелли Монакодағы туризм туралы (ФОТО)

14 Шілде, 2017 15:51

Кішкентай Монако елінде демалуға кез келгеннің жағдайы жете бермейді. Алайда кішкентей, адамдар үшін барлық қолайлы инфрақұрылымы бар бай мемлекетте демалу мүмкіндігу туа қалса нені білу керек. Осы елдегі туризм туралы Монаканың туризм мен съездер бойынша басқармасының өкілі Эстель Антонелли айтып берді.

Эстель Антонеллидің айтуынша, Монакода шетелдіктер арасында жаяу турлар танымал, себебі бұл «экологиялық тұрақты» дамуға мүмкіндік береді.

«Біздің идеямыз «сіз Монакода жаяу саяхаттай аласыз» дегенді насихаттауды білдіреді. Яғни, біздің турист - ол табиғатты қарғайтын, жеке көлігін пайдаланбайтын адам. Оның орнына Mobee (скаршеринг жүйесі) немесе қоғамдық көлікті пайдалана аласыз. Бұдан басқа, осыдан екі жыл бұрын жаяу турлар мен қоғамдық көлікте аймақты аралауды насихаттай бастадық. Көлікті автотұраққа қойып кетуге болады. Біздің бұл салада саясатымыз бар: автотұрық құны арзан, қоғамдық көлікте жүру ол да арзан. Яғни көліктен бас тарту үшін барлық жағдай жасалған», - деді Эстель Антонелли.

Сонымен қатар, ол Монако табиғи өнімдерді де насихаттайтынын тілге тиек етті.

Бұдан басқа, Э. Антонелли Қазақстанның шетелдік туристер арасында үлкен сұранысқи ие екеніне тоқталды.

«Менің ойымша Қазақстанның танымалдылығы EXPO көрмесін өткізумен арта түскендей. Мемлекет тұрақты даму жолымен жүріп келеді. Егер ол барлық қонақ үйлерін сертификаттап, энергетиканы «тұрақты» етсе, «жаңа энергияның зертханасына» айналса туристер міндетті түрде осында ағылатын болады», - деп түйіндеді қонақ.

Өздеріңіз білетіндей, Монако павильоны ЭКСПО-2017 көрмесінің қонақтары арасында өте танымал. Кішкентай мемлекет ЭКСПО-2017 көрмесінде тұрақты энергетиканы дамытудың новаторлық үлгісін көрсетуде.

Айта кетерлік жайт, павильонда естелік кәдесыйлар сатып алуға болады.

Ақбота Күзекбай

Фото Арман Мұхатов