ШҚО-да тиімді жұмысбастылық пен кәсіпкерлік бойынша семинар өтуде
14 Шілде, 2017 20:56
Өскемендегі 2017-2021 жылдарға арналған тиімді жұмысбастылық пен жаппай кәсіпкерлік бағдарламасы бойынша «Бағдарламаны жүзеге асырудың жаңа құралдары мен тәсілі» семинарында кәсіпкерлік негіздерін үйрету, бизнес жобаларға қолдау көрсету, мемлекеттік қолдау шаралары арқылы еңбек нарығын дамыту, білімін жетілдіруге көмектесу шаралары кеңінен талқыланады.
Ұйымдастырушылардың хабарлауынша, семинардың мақсаты бағдарламаға қатысушы органдардың, ведомстволар мен құрылымдардың өзара жұмыс істеу түрлерін түсіндіру.
Семинар барысында мына мәселелер қаралады: «Еңбек нарығының қажеттілігін ескере отырып техникалық және кәсіби білімі бар мамандарды даярлау», «Еңбек нарығында қажет етілетін мамандықтар мен біліктіліктерді жұмысшы кадраларға қысқамерзімде кәсіби оқыту».
Сонымен қатар, қатысушыларға елді мекендер мен шағын қалалардағы бағдарламаға қатысушыларға микронесие ұсыну механизмдері түсіндіріледі.
