Шу ауданында 2500 абонент орталық газ құбырына қосылған
13 Шілде, 2017 20:23
Шу ауданындағы 10 елді мекенде 2500 абонент орталық газ құбырына қосылды. Бұл туралы аудан әкімі Қайрат Досаев Өңірлік коммуникациялар қызметінде өткен брифингте хабарлады.
Оның айтуынша, жыл соңына дейін көгілдір отын Алға және Саутбек ауылдарына да келіп жетпек.
Сондай-ақ инженерлік-инфрақұрылымдық даму бағдарламасы бойынша Шу қаласының "Шу-Жылу" КМК орталық қазандығында құрылыс-монтаж жұмыстары жүргізіліп жатыр.
Сонымен қатар, облыстық бюджеттен бөлінген 95,7 млн теңге сомасына ауданның тағы 18 елді мекенін газдандыру бойынша жобалық-сметалық құжаттама әзірленуде.
