• Басты
  • ҰҚК ардагері Әбілтай Шайхов ЭКСПО-2017 көрмесіне келді
12 Шілде, 2017 12:43

ҰҚК ардагері Әбілтай Шайхов ЭКСПО-2017 көрмесіне келді

ҚР ҰҚК ардагері Әбілтай Шайхов ЭКСПО-2017 көрмесін көру үшін Астанаға автостоппен келді. Бұл автостоп халықаралық көрмеге ғана емес, сонымен қатар Қазақстан Республикасы Ұлттық қауіпсіздік комитетінің 25 жылдығына да арналады, деді Әбілтай Шайхов журналистермен өткен баспасөз конференциясында.
ҰҚК ардагері Әбілтай Шайхов ЭКСПО-2017 көрмесіне келді

74 жастағы ҚР ҰҚК ардагері келген мақсаты жайында айтып қана қоймай, сондай-ақ өзінің басқа да саяхаттары туралы бөлісті.  

«Мен спортшы емеспін. Түркістаннан бастап Орынборға дейін, Жаркенттен Ташкентке дейін жүріп өтіп, Ұлытауды толығымен айналып шықтым. Біз тәуелсіздік алған кезде Қазақстанның тәуелсіздігін қалай қорғау керектігін зерттей бастаған едім. Қазақ халқы әрқашан көшпелі өмір сүрген болатын, мен де осындай өмір салтын белсенді тұрде ұстандым», - деді ардагер.

Әбілтай Шайхов Қазақстаннан басқа, Еуропада және Оңтүстік-Шығыс Азияда болған. Көп жылдар бойы Байқоңыр ғарыш айлағында және Капустин Яр зымыран полигонында жетекші маман болып жұмыс істеген.

«ЭКСПО – ұлы оқиға. Мен өмірімде көп нәрсені көрдім. Осы автостопты Ұлттық қауіпсіздік комитетінің 25 жылдығына және ЭКСПО-2017 көрмесіне арнадым», - деп бөлісті Ә. Шайхов.   

Әбілтай Шайхов өткен жылы «Тәуелсіздік бесігінен Ұлы дала астанасына дейін» акциясы аясында Қазақстан Тәуелсіздігінің 25 жылдығын атап өту қарсаңында Алматыдан Астанаға дейінгі қашықтықты велосипедпен жүріп өткен еді.

Баспасөз конференциясынан кейін Ә. Шайхов өз саяхатын отандық «Нұр-Әлем» павильонынан бастады.

Ақбота Күзекбай

Барлық жаңалықтар
3.219.31.204, 192.168.88.100