Қазақстан мен Швейцария барлық деңгейдегі ынтымақтастықты жалғастыруға келісті
12 Шілде, 2017 16:36
Қазақстан Республикасының Қаржы министрі Бақыт Сұлтановтың Швейцария Конфедерациясының Қаржы министрі Ули Маурермен кездесуі өтті, деп хабарлады Қаржы министрлігінің баспасөз қызметі.
Кездесу барысында экономикалық блокта, қаржы секторында және «Бір белдеу – бір жол» бастамасында, сондай-ақ Халықаралық валюталық қордың және Дүниежүзілік Банктің қызметі шеңберінде екіжақты ынтымақтастық мәселелері талқыланды.
Швейцариялық тарап сол сияқты Қазақстаннның серпінді дамуын атап өтті және реформаларды іске асырудағы оның тәжірибесін зерделеуге мүдделілік білдірді.
Кездесуді аяқтай отырып, Тараптар екі ел арасында барлық деңгейдегі ынтымақтастықты жалғастыруға келісті.
