ЭЫДҰ мен Қазақстанның бірлескен жұмысы ынтымақтастықтың үлгісіне айналды (ФОТО)

11 Шілде, 2017 12:08

ЭЫДҰ мен Қазақстанның бірлескен жұмысы өзге елдер үшін ынтымақтастықтың үлгісіне айналды. Бұл туралы ЭЫДҰ халықаралық қарым-қатынас жөніндегі хатшылығы, ЭЫДҰ еуразиялық бөлімшесінің басшысы Уильям Томпсон ЭКСПО-2017-дегі ЭЫДҰ күнінде атап өтті.

«Астанаға ЭКСПО-2017 аясындағы ЭЫДҰ күнін ашқаныма өте қуаныштымын. Біз форуммен бірге болашақтың энергиясын ұйымдастырып жатырмыз. ЭЫДҰ Қазақстанмен көп жылдар бойы жұмыс істеп келеді, соңғы жылдары қарқыны арта түсті. 2015 жылдың басында Қазақстанмен елдік бағдарлама бойынша келісім орнатқан болатынбыз. Бұл Қазқастанмен ұйымдастырылып жатқан өте ауқымды бағдарлама. Бүгінгі семинар ЭКСПО-2017 тақырыбына арналып отыр. Біз Қазақстан мен өзге елдердегі бейімделген өсімді арттыру бойынша әртүрлі тақырыптарды талқылайтын боламыз. Құрылымдық экономикалық саясат пен инновациялық әдістерді дамыту мәселелері де қарастырылатын болады. Себебі, тұрақты энергия көздеріне бейімделген экономиканың тәуелді экономикаға көшуі барлық облыстардағы мемлекеттік саясатты өзгертуді қажет етеді», - деді У.Томпсон.

Ол алғашқы екі жылда бірлесіп жұмыс істелгені туралы айтып өтті.

«Алғашқы екі жылда жұмыс істедік, қазір қорытындылап жатырмыз. Біз Қазақстанмен аталмыш саладағы жұмысты ынтымақтастықтың үлгісі деп қарастырамыз. Қазақстан бұдан үлкен тәжірибе алды, біздің елдердің де алғаны мол, себебі Қазақстанның көптеген облысында елдерімізбен бөлісетін игі бастамалар көп, әсіресе мемлекеттік саясат саласында», - деді У.Томпсон.

Қайрат Жандыбаев

Барлық жаңалықтар