• Басты
  • Құрметті консулдар «ҚР дипломатиялық қызметіне 25 жыл» медальдарымен марапатталды (ФОТО)
11 Шілде, 2017 09:13

Құрметті консулдар «ҚР дипломатиялық қызметіне 25 жыл» медальдарымен марапатталды (ФОТО)

Қазақстан Республикасы дипломатиялық қызметінің 25 жылдығына орай Сыртқы істер министрлігінде ҚР-ның шет елдердегі құрметті консулдарының съезі өтті.
Құрметті консулдар «ҚР дипломатиялық қызметіне 25 жыл» медальдарымен марапатталды (ФОТО)

Қазақстанның сыртқы саяси ведомствосы басшысының бірінші орынбасары Мұхтар Тілеуберді Съезге қатысушыларды Елбасының еліміздің сыртқы саясатын «экономикаландыру» туралы тапсырмаларын іске асыру бойынша ҚР Сыртқы істер министрлігінің жұмысымен таныстырып өтті.

Ол сыртқы саяси ведомство қызметінің жаңа тәсілдерін әзірлеу бойынша жұмыс жүргізіліп жатқанын атап өтті. Қазақстан экономикасының басым салаларына шетелдік инвестициялар мен инновациялық технологияларды тарту, сондай-ақ шетелдік нарықтарда қазақстандық кәсіпорындардың өнімін ілгерілету ҚР СІМ қызметіндегі негізгі басымдықтардың бірі болып табылады.  

Сондай-ақ Мұхтар Тілеуберді министрліктің визасыз кеңістікті кеңейту және көші-қон заңнамасын жетілдіру арқылы инвестициялық климатты жақсартуға және елдің туристік әлеуетін іске асыруға бағытталған визалық саясатты ырықтандыру жөніндегі қызметі туралы айтып берді.

Іс-шара қорытындылары бойынша М. Тілеуберді құрметті консулдардың ҚР сыртқы саясатын іске асырудағы маңызды рөлін атап өтіп, Қазақстан экономикасының басым секторларына шетелдік инвесторларды тартуға және қазақстандық өнімді шетелдік нарықтарға шығаруға белсенді қатысуға шақырды.

Ведомствоның баспасөз қызметі хабарлағандай, іс-шара барысында екіжақты қарым-қатынастарды дамытуға қосқан үлесі және шетелдегі қазақстандық азаматтарға белсенді түрде жәрдемдескені үшін ҚР құрметті консулдары «Қазақстан Республикасының дипломатиялық қызметіне 25 жыл» ведомстволық медальдарымен марапатталды.

Іс-шараға Қазақстанның 45 елдегі 84 құрметті консулы және 31 шетелдік мемлекеттің Қазақстанда аккредиттелген  47 құрметті консулы қатысқанын айта кеткен жөн.

Фото Бауыржан Жуасбаев

Барлық жаңалықтар