Өскеменде облыстық онкодиспансердің радиологикалық орталығы ашылады
27 Желтоқсан, 2013 18:20
Жаңа жыл қарсаңында Өскеменде тәулігіне 150 адамды қабылдайтын облыстық онкодиспанцердің радиологикалық диспанцері ашылады, деп хабарлайды қала әкімдігінің баспасөз қызметі.
«Емдеу корпусына салынған инвестицияның жалпы көлемі 706 млн теңгені құрайды. Соның ішінде құрылғы сатып алуға жұмсалған қаражат көлемі 82 млн теңге. Бұл орталықты диагностика мен онкологиялық науқастарды емдеу құрылғыларымен қамтылуына мүмкіндік берді», - делінген хабарламада.
Радиологикалық орталықтың жалпы аумағы 3,8 шаршы метрді құрайды. Орталық күніне 150 кісіні қабылдауға қауқарлы.
Айта кету керек, емдеу корпусының ашылуы жылына 1000 пациентті емдеуге мүмкіндік береді.
