Астанада Қазақстан мен Қырғызстанның ынтымақтастық жағдайы талқыланды
27 Желтоқсан, 2013 17:49
Парламент Сенатының төрағасы Қасым-Жомарт Тоқаев Қырғызстан Республикасының Елшісі Эсенгүл Өміралиеваны қабылдады, деп ҚР Парламент Сенатының баспасөз қызметі хабарлады.
«Кездесу барысында тараптар қазақстандық-қырғызстандық ынтымақтастық мәселесін талқылады.Оның ішінде екіжақты сауда, аймақтық көлік жобалары мен көші-қон мәселесін талқылады», -делінген хабарламада.
Келіссөз жүргізушілері Қазақстан мен Қырғызстан арасындағы өзара әрекеттестіктің жағдайын талқылады.
Сондай-ақ, Сенатта үкіметаралық құжаттардың ратификациялануы да назарға алынды. Құжатта Қазақстанның Бішкек және Ош қаласында мектептердің құрылысын жүргізу жайында айтылған. Аталмыш келісімдер Н.Назарбаевтың 2012 жылы Бішкекке барған сапарында орнатылған болатын.
