Астанада көшпенділер қаласы ашылды (ФОТОРЕПОРТАЖ)
Ортағасырлардағы қала тұрғындар мен қонақтарды Қазақстан аймағында мыңдаған ғасырлар бойы қалыптасқан өркениетпен таныстырады.
Алаңда әртүрлі тарихи жәдігерлер мен көшпенділердің нышаны: Орда ханның тағы, берел қорғанынан табылған алтын жылқылар, батырлар ордасы, сақ патшайымының тәжі.
Қалада қазақтың ұлттық әбзелдерін саудалап тұрған қолөнершілер де бар.
Тұрғындар мен қала қонақтары қазақтың ұлттық тағамдары ұсынылған мейрамханада бешбармақтан ауыз тие алады. Сондай-ақ, келушілер садақтан атып, қазақ эстрадасының жұлдыздары қатысқан концертті тамашалай алады.
Екі ай ішінде дәстүрлі әншілер өз өнерлерін ортаға салады.Ақындар айтысын да ұйымдастыру жоспарланған.
Атап өтер болсақ, таңертеңнен бері қалашыққа келген қонақтар саны таңғалдырды. Күніне қалашыққа шамамен 3 мың адам келеді деп күтілуде.
Сондай-ақ, тұрғындар ға жаз бойы «Жаужүрек мың бала» сынды фильмдер көрсетіледі.
Жәрмеңкеге "Астана қаласының мүгедектер қоғамы" өкілдері мен әлеуметтік қызметкерлері қатысып жатыр.
Айта кетейік, көшпенділер қаласында екі экскурсовод жұмыс істейді.
Айта кетейік, көшпенділер қаласы 10 қыркүйекке дейін жұмыс істейді.
Ақбота Күзекбай
Фото: Абзал Қалиев
