Елордада Астана процесінің бесінші кездесуі өтуде
5 Шілде, 2017 16:32
Елордада Астана процесі аясында Сирия бойынша бесінші халықаралық жоғары деңгейдегі кездесу өтуде.
Астана процесіне қатысушылар 4 шілдеде сириялық реттеу бойынша елордаға келіп жабық режимде екіжақты келіссөздер жүргізуде.
ҚР сыртқы істер министрі Қайрат Абдрахманов хабарлағандай, келіссөздер барысында күнтәртібіндегі бірқатар мәселелер бойынша шешім қабылдануы керек.
Естеріңізге сала кетейік, Астана процесінің төртінші кездесуіне Ресей, Иран және Түркия, сондай-ақ Сирия үкіметі мен Сирия қарулы оппозиция өкілдері қатысты. АҚШ, БҰҰ мен Иордания делегациялары байқаушы ретінде қатысты.
