Астана күні қарсаңында тұрғындар қоныс тойын тойлайды (ФОТО)

Ақмола облысының  әкімдігі  хабарлағандай, Көкшетауда  500 отбасы қоныс тойын тойламақ. Оның ішінде,  135 адам  ұзақ уақыт   кезекте тұрған әлеуметтік аз қамтылған отбасылардың өкілдері.Сондай-ақ, көпбалалы және толық емес отбасылар мен мүмкіндігі шектеулі жандар да бар.

Тұрғындарды құттықтай отыра облыс әкімі Мәлік Мырзалин тұрғындарды қолжетімді баспанамен қамту мәселесі  Президент саясатының  басым бағыттарының бірі екенін айтып өтті.

«Мемлекеттік бағдарламаларды сәтті жүзеге асыру аясында экономика нығайып, баспана мен жолдар, мектептер, ауруханалар мен өзге нысандар салынып  жатыр.  6 айдың ішінде  облыс орталығында 90 мың шаршы метр  тұрғын   үй пайдалануға берілді. Бұл жылдық  көсеткіштің 70 пайызы ғана, жұмыс жалғасын одан әрі табады», - деді ол.

Сондай-ақ, Талдықорғанда да Астана күні қарсаңында  168 пәтердің  кілті табысталды.

«Нұрлы жол» мемлекеттік бағдарламасы аясында Астана күні қарсаңында   бізде үлкен қуаныш. Бұл ауданда   күн санап тұрғын үйлердің саны артуда.  Бүгін тағы бір қоныс тойы болмақ. Бүгінгі қуаныштарыңызбен құттықтаймын», - деді Алматы облысының әкімі Амандық баталов.

Айта кетерлігі, коммуналдық баспана иегерлерінің ішінде  12 санаттан тұратын  адамдар қатары бар, атап айтсақ,  15-і қажеттілігі  жоғары жандар, 33 жетімдер мен өзге кезекте тұрғандар.

Жамбыл облысында Астана күні қарсаңында  800 адам баспанаға ие болды. Өңір басшысы Кәрім Көкрекбаев  «Нұрлы жол»  бағдарламасы бойынша  «Арай 2» ауданындағы баспаналардың кілтін табыстады.