• Басты
  • Бала тууды тіркеу мерзімі үш сағаттан аспайтын болады

Бала тууды тіркеу мерзімі үш сағаттан аспайтын болады

5 Шілде, 2017 11:38
Бала тууды, өлімді тіркеу, сондай-ақ некені бұзу бойынша мемлекеттік қызметтерді көрсету мерзімі үш сағаттан созылмайтын болады.

«Азаматтарға арналған үкімет» Мемкорпорациясы хабарлағандай,  азаматтарға тиімді және қолжетімді қызмет көрсету жүйесін құру мақсатында 1 шілдесінен бастап «Азаматтарға арналған үкімет» Мемлекеттік корпорациясы арқылы азаматтық хал актілерін тіркеу бағыты бойынша төрт мемлекеттік қызмет көрсету бойынша пилоттық жоба жүзеге асырылған.  

Пилоттық жобаның негізгі мақсаты – Мемлекеттік корпорация арқылы азаматтық хал актілерін мемлекеттік тіркеу бойынша кейбір функциялардың іске асыруын анықтау болып табылады.

Пилоттық жоба аясында бала тууы, өлім, некені бұзу (ерлі-зайыптылық), атын, әкесінің атын, тегін өзгерту, азаматтық хал актілерінің тіркеуіне өзгерістер, толықтырулар мен өзгертулер енгізу бойынша мемлекеттік қызмет көрсету Астана қаласының № 1 «Халыққа қызмет көрсету орталығы» Департаменті (бұдан әрі - Орталық) арқылы жүзеге асырылатын болады.

Бұл ретте бала тууды, өлімді тіркеу, сондай-ақ некені бұзу (сот шешімі арқылы) бойынша мемлекеттік қызметтерді көрсету мерзімі үш сағаттан созылмайтын болады. Атын, әкесінің атын, тегін өзгерту, азаматтық хал актілерінің тіркеуіне өзгерістер, толықтырулар мен өзгертулер енгізу бойынша мемлекеттік қызметтер қолданыстағы заңнамаға сәйкес көрсетіліп отырады.

 

Барлық жаңалықтар