Жапонияда Н.Назарбаевтың ядролық қаруды таратпау бастамасын қолайды

Н.Нығматулин айтып өткендей, жапондық депутаттардың  ЭКСПО-2017  халықаралық көрмесіне келуі – Қазақстан мен Жапония арасындағы  стратегиялық қарым-қатынастың  дәлелі.

Ол айтып өткендей, екіжақты ынтымақтастықты  дамытуға Қазақстан Президенті Нұрсұлтан Назарбаев пен  Жапония премьер-министрі  Синдзо Абэ  арасындағы  екіжақты келіссөздер мен келісімдер серпін береді.

Әңгімелесу барысында екі елдің ядролық қауіпсіздікті  қамтамасыз ету, қарусыздану және  тұрақты дамыту әдістері ұқсас екендігі айтылды.

Палатаның баспасөз қызметі хабарлағандай, әңгімелесушілер  Пхеньян жіберген баллистикалық ракеталардың   шығуына  байланысты өңірлік  және жаһандық қауіпсіздікке қауіп  артып отырғанына алаңдаушылық білдірді.

Такео Кавамура айтып өткендей, Жапонияда Қазақстан Президентінің ядролық қаруды таратпау  мәселесін шешу бастамасын қолайды.

Қазақстанның әр түрлі саладағы жетістіктерін айта отырып, жапондық парламентші елдердің одан әрі ынтымақтасуына сенім білдірді.