Сенат депутаттары ЕКПА сессиясына қатысты
4 Шілде, 2017 17:58
Сенат депутаттары Рашит Акимов, Асқар Бейсенбаев және Али Бектаев Страсбургте Еуропа Кеңесі Парламенттік Ассамблеясының жыл сайынғы сессиясына қатысты, деп хабарлады Сенаттың баспасөз қызметі.
ЕКПА сессиясының күн тәртібіне Беларусьтегі ахуал, сыбайлас жемқорлық және оған парламенттік бақылаудың проблемалары, тәуелсіз бұқаралық ақпарат құралдары мен журналистерге саяси ықпал тәрізді мәселелер енгізілген.
Еуропа Кеңесі мүшелері Еуропадағы босқындар дағдарысы мәселелерін талқылады. Парламенттік Ассамблея, сондай-ақ адам құқықтары жөніндегі соттың шешімдерін орындау барысын қарады.
Сапар барысында қазақстандық сенаторлар өздерінің еуропалық әріптестерімен кездесті.
