Мемлекет басшысы өкілеттіктерді қайта бөлу туралы заңға қол қойды
3 Шілде, 2017 16:16
Мемлекет басшысы «Қазақстан Республикасының кейбір заңнамалық актілеріне мемлекеттік билік тармақтары арасында өкілеттіктерді қайта бөлу мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды, деп хабарлады Ақорданың баспасөз қызметі.
Елбасы «Қазақстан Республикасының кейбір конституциялық заңдарына мемлекеттік билік тармақтары арасында өкілеттіктерді қайта бөлу мәселелері бойынша өзгерістер мен толықтырулар енгізу туралы» Қазақстан Республикасының Конституциялық заңына қол қойды, ол конституциялық заңдарда көзделген Қазақстан Республикасы Президентінің жекелеген өкілеттіктерін мемлекеттік билік тармақтары арасында қайта бөуге бағытталған.
Аталмыш заңдар Қазақстан Республикасы Президентінің заңнамалық белгіленген жекелеген өкілеттіктерін мемлекеттік билік тармақтары арасында қайта бөлуге бағытталған.
Конституциялық заңның мәтіні баспасөзде жарияланады.
