Астананың оқушылары Сыртқы істер министрлігінде болды (ФОТО)
Сыртқы істер ведомствосы хабарлағандай, 30-дан астам жоғары сынып оқушылары қазақстандық дипломатияның мұражайында, «Қазақстан» және «Астана» халықаралық келіссөздер жүргізілетін залдарында болды, сонымен қатар министрлік қызметкерлерінің жұмыс кабинеттерін қарап шықты.
Сыртқы істер министрі Қайрат Әбдірахманов оқушылармен кездесу барысында қазақстандық дипломатияның тарихы, оның қазіргі заманғы рөлі мен мағынасы, сондай-ақ кәсіби дипломат қандай басты қасиеттермен қабілетті болу керектігі туралы әңгімеледі.
«Дипломатиялық қызметтің жұмыскері күні қарсаңында сіздер біз үшін қымбат және ерекше қонақсыздар! Сіздер – Мемлекет басшысы Нұрсұлтан Назарбаев айқындаған тәуелсіз Қазақстанның мемлекет қауіпсіздігі мен тұрақтылығының мүддесіне, қоғамның, экономиканың, мәдениеттің, білімнің және өзге де салалардың дамуына қызмет ететін сыртқы саясатының болашағысыздар», - деп, атап өтті өз алғы сөзінде министр.
Сыртқы саяси ведомствосының басшысы оқушылардың сұрақтарына жауап беріп, балаларға әрдайым ой-өрістерін кеңейтуді, өз білімдерін арттыруды, шет тілдерін үйренуді және Отанымыздың патриоттары болуды тіледі.
Сонымен бірге, балалар үшін дипломатиялық қызметтің ардагері Бейсембай Дүйсебаев сөз сөйледі.
Оқушылар «Қазақстандық дипломатия: бейбітшілік пен дамыту қызметіне 25 жыл» жаңа деректі фильм қарап, «Қазақстан – Ұлы дала елі» мобильдік қосымшаның мүмкіндіктерімен танысты.
