• Басты
  • Астанада PHOTOfest.kz халықаралық фотофестивалі ашылды (ФОТО)

Астанада PHOTOfest.kz халықаралық фотофестивалі ашылды (ФОТО)

1 Шілде, 2017 17:37
PHOTOfest.kz халықаралық фотофестивалі ЭКСПО-2017 көрмесі аясында ҚР Ұлттық музейінде ашылды. Мәдениет және спорт министрлігі ұйымдастырған фотофестивальға Түркия, Ресей, Италия, Франция, АҚШ және Қазақстанның фотографтары қатысуда.

Көрмеде 200-ге жуық жұмыс ұсынылған. Басты мақсат – Қазақстан тарихына кіретін Орталық Азиядағы ең ірі фотофестиваль ұйымдастыру. ҚР мәдениет және спорт министрі Арыстанбек Мұхаммедиұлы көрмеде болып, мұндай алғашқы фотокөрме дәстүрлі көрмеге айналуы тиіс екенін атап өтті.

«Біздің тарихымызды көрсететін тамаша фотографтардың, замандастарымыздың жиналғаны қуантады. Осы тамаша жұмыстардың авторларының арасында бұл дүниеден өткен тұлғалар да бар, алайда, олардың шығармашылығы сақталған. Бұл осындай ауқымдағы алғашқы фотокөрме, қатысушыларға сәттілік, еңбектеріне жеміс тілеймін», - деді министр. 

«Арт-орталықтың» бас продюсері Андрей Базанов (Ресей) Астананың қаншалықты өзгергеніне таң қалды.

«Мен Қазақстанды және Астананы фотосуреттерден көрген болатынмын. Бар болғаны бірнеше сағат ішінде көргенім таң қалдырды. Қазақстанда Үкімет пен халықтың жасап жатқан орасан зор жұмыстары үлкен әсер қалдырды. Екіншіден, мені таң қалдырғаны – жолдардың кеңдігі. Болашағы бар ел фотографтар, қонақтар және тұрғындар үшін үнемі қызықты болады», - деді Андрей Базанов. 

Фотофестивальға қатысушылар еліміздің ең әдемі жерлерін түсіріп алу мақсатында Бурабай, Қорғалжын, Баянауыл, Ұлытау, Отырар, Шарын, Шымбұлақ сияқты көрікті жерлерде болып қайтпақ. 

Ақбота Күзекбай

Барлық жаңалықтар