• Басты
  • ОҚО-дағы электр бағаналарын ауыстыру 2018 жылы жүзеге асырылады
1 Шілде, 2017 20:14

ОҚО-дағы электр бағаналарын ауыстыру 2018 жылы жүзеге асырылады

ОҚО-дағы электр бағаналарын ауыстыру мәселесі 2018 жылы инвестициялық бағдарлама аясында шешіледі. Бұл туралы Оңтүстік Қазақстан облысының әкімі, «Нұр Отан» партиясы облыстық филиалының төрағасы Жансейіт Түймебаев партия филиалының бас ғимаратында қоғамдық қабылдауында мәлімдеді.
ОҚО-дағы  электр бағаналарын ауыстыру 2018 жылы жүзеге асырылады

«Сайрам ауданы, Көлкент ауылдық округі, Теспе ауылында орнатылған 6,254 шақырым электр желісі мен трансформатор «Оңтүстік Жарық Транзит» ЖШС-нің теңгерімінде.  2016 жылы «Оңтүстік Жарық Транзит» ЖШС-гі инвестициялық бағдарламасы есебінен жарамсыз 12 дана ағаш бағаналары сымдарымен ауыстырылған. Ал биыл қосымша 1 дана қуаты 100 кВА болатын трансформатор орнату жоспарда бар. 2018 жылғы инвестициялық бағдарламаға сәйкес тұрғындарды қамтамасыз етудегі 100 кВА трансформаторды 160 кВА трансформаторға, төменгі кернеулі 0,4 кВ-тық электр бағаналары мен қоса электр желісін толығымен ауыстыру жоспарланған», - деді Жансейіт Қансейітұлы.

Мұнан соң әкім алдына облыстық әйелдер кеңесінің төрайымы Баян Жандосова кірді. Баян Айтбекқызы өңіріміздегі әйелдер қауымының және отбасы құндылықтарын сақтау төңірегіндегі қордаланған мәселелерге тоқталды.

Алматы қаласының тұрғыны Нәзір Төреқұлов халықаралық қайырымдылық қорының президенті  Әбдіжаппар Сапарбаев қоғам қайраткері Нәзір Төреқұловтың туылғанына 125 жыл толуын оңтүстік жерінде атап өтуді  сұранды.

Қазақстандық денсаулық сақтау қызметкерлерінің салалық кәсіподағының ОҚО филиалының төрайымы Аяниязова Рита ауылдық жерлердегі медициналық сақтандыру жүйесінің орындалу барысын сөз етті.

Ал Сайрам балалар үйінің түлегі Луиза Салимжанқызы 2013 жылдан үй кезегіне тіркелгенін, алайда баспанаға қол жеткізе алмай отырғанын және күйеуінің жұмыссыз жүргенін айтып шағымданды. Кездесу барысында әкім шағымданушыға жыл соңына дейін пәтер берілетінін мәлімдеп, жұмыссыз жүрген отағасын жауапты азаматтарға еңбекпен қамтамасыз етуді тапсырды.   

 

Барлық жаңалықтар