Мәжіліс депутаттары өңірлерде сайлаушылармен кездеседі

Мәжілістің баспасөз қызметі хабарлағандай,  сенбі, 1-шілдеде Астана қаласында Мәжіліс депутаттары Сапар Ахметов, Мәулен Әшімбаев, Жамила Нұрманбетова және Ирина Унжакованың кездесуі жоспарланған.

Депутаттар ҮИИДБ аясында қызмет етіп жатқан «GLB» құрылыс компаниясының ұжымымен кездесіп, «Нұрлы жер» мемлекеттік бағдарламасы бойынша салынып жатқан «Алтын Шар» ТК құрылыс жұмыстарымен танысатын болады.

Кездесу барысында мәжілісмендер сайлаушыларға Парламенттің екінші сессиясы бойынша атқарылған жұмыстар жайында баяндап, «100 нақты қадам» Ұлт Жоспарының орындалу барысынан хабардар етеді.

Депутаттар іс-сапары тек облыс , қала орталықтарын ғана емес, сонымен бірге, алыс ауылдарды, шет елді мекендерді де қамтиды.