• Басты
  • Қарағандыда отқа төзімді материалдар өндіру зауыты ашылды
30 Маусым, 2017 09:57

Қарағандыда отқа төзімді материалдар өндіру зауыты ашылды

Қарағандыда «SevenRefractoriesAsia» отқа төзімді материалдар өндіру зауыты ашылды, деп хабарлады облыс әкімдігінің баспасөз қызметі.
Қарағандыда отқа төзімді материалдар өндіру зауыты ашылды | Strategy2050.kz

Инвестиция жалпы сомасы 1,9 млрд. теңгені құрады. 

Зауыт «Сарыарқа» арнайы экономикалық аумағында орналасқан. Облыс әкімі Ерлан Қошанов  бұл нысанның іске қосылуы – облысымыздың экономикасы үшін маңызы зор екенін атап өтті. 

« Бұл зауыт еліміздегі осындай жоғары сапалы материалдар өндіретін алғашқы кәсіпорын. Оның өнімдеріне «Қазақмыс», «АрселорМиттал Теміртау», «Казцинк» секілді ірі компаниялар мұқтаж. Егер осыған дейін олар отқа шыдамды материалдарды шел елдерден сатып алып отырса, бұдан былай оны қарағандылық өнім өндірушіден алады. Сонымен қатар біздің шет елдік серіктестерімізге алғысымды білдіргім келеді, себебі бұл зауыт шет елдік капиталдың қастысуымен салынды. Бүгінгі шара – Елбасының экеономиканы дамытуға қатысты тапсырмасының орындалып жатқанының бір белгісі», - деді Ерлан Қошанов. 

Құрылыс 2005-ші жылы басталды, зауыт 2017-ші жылдың ақпан айында іске қосылды. Жоспарланған өндіріс көлемі – жылына 45 мың тонна. Монолитті отқа шыдамды материал – ол футеровка саласындағы соңғы жетістік. 

Футеровка – болжамды механикалық, қызулық, физикалық және химиялық зақымдардан беттерді қорғауды қамтамасыз ететін арнайы қаптама. Тау-кен – металлургия, мұнай және мұнай-газ өнеркәсібінде футеровка түрлі материалдарды шамадан тыс тиеу және тасымалдаумен байланысты жабдықтарды қорғау үшін пайдаланылады. 

«Жаңа зауыт Словенияда жасалған заманауи құралдармен жабдықталған. Қазіргі таңда кәсіпорында 51 жұмыс орны ашылған, алдағы уақытта қызметкерлер саны ұлғайтылады. Зауыт өнімі әлемдік стандарттарға сай», - деп хабарлады  облыс әкімдігінде.

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды