• Басты
  • Н.Назарбаев "Бурабай" демалыс аймағында жақсы жағдайлар жасауды тапсырды
28 Маусым, 2017 17:01

Н.Назарбаев "Бурабай" демалыс аймағында жақсы жағдайлар жасауды тапсырды

Мемлекет басшысы Нұрсұлтан Назарбаев Ақмола облысының әкімі Мәлік Мырзалинді қабылдады, деп хабарлады Ақорданың баспасөз қызметі.

Н.Назарбаев "Бурабай" демалыс аймағында жақсы жағдайлар жасауды тапсырды | Strategy2050.kz

Қазақстан Президенті кездесуде облыстың туристік әлеуетін, соның ішінде «Бурабай» курортын одан әрі дамыту жұмыстары туралы сұрады.

Елбасы курорттық аймаққа келушілер саны жылдың әр мезгілінде әртүрлі екеніне назар аударып, туристерге көрсетілетін қызметтердің сапасын арттыру бойынша шаралар қабылдауды тапсырды, сондай-ақ көрсетілетін қызметтердің деңгейіне сай келмейтін бағалардың жоғары екенін атап өтті.

"ЭКСПО-2017" көрмесінің өтуін тиімді пайдалану қажет. Көптеген туристер, соның ішінде шет елден де келді. Бірақ, экологиялық жүйеге салмақ салмау керек. Сонымен қатар, адамдардың демалуы үшін жақсы жағдай жасаған жөн", – деді Нұрсұлтан Назарбаев.

Сондай-ақ, Мемлекет басшысы өңірдің әлеуметтік-экономикалық көрсеткіштерін көтерудің маңыздылығына тоқталып, облыс басшылығы тарапынан ерекше мән беруді қажет ететін бірқатар саланы айтты.

М.Мырзалин Қазақстан Президентіне туристердің қазіргі демалыс орындарына деген қызығушылығын арттыруға бағытталған инфрақұрылымдық жобалардың іске асырылу барысы туралы баяндап, өңір қонақтары мен тұрғындарының жайлы өмір сүруін қамтамасыз ету жөніндегі міндеттерді шешуге арналған жоспарлармен таныстырды.

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды