Туристер: ЭКСПО – жаһандық проблемаларды шешу үшін жақсы алаң
ЭКСПО – жаһандық проблемаларды шешу үшін жақсы алаң, деді Швециядан келген саяхатшы Кристиан Борегрен баспасөз конференциясы барысында.
Бұл Кристиан Борегреннің осымен үшінші саяхаты. Осы жолы ол Монғолияға барған, Каспий теңізінің жағалауына жетіп, қазір Қазақстанды аралауда.
«Бұл көрме көп әсер берді. Баламалы энергия көздері сияқты маңызды тақырып жайында жеткіліксіз айтылады. ЭКСПО-2017 көрмесі – жаһандық проблемаларды шешу үшін жақсы алаң. Қазақстан аумағы бойынша әлемде 9-орын алады, оның алуан түрлі және қайталанбас табиғаты бар. Сіздер өз еліңізді ілгерілетіп, өздеріңіздің ерекше мәдениетіңіз бен тарихыңызды мақтан тұтуларыңыз керек», - деп атап өтті ол.
Халықаралық мамандандырылған көрме уақытында Қазақстан Республикасына келу Кристианның ғана емес, сонымен қатар, Арменияның саяхатшысы Артур Оганянның да мақсаты еді.
«Мен жолда жақсы адамдарды көп кездестірдім, олар маған көмек көрсетті. Қонақжайлылық – Қазақстан халқының басты ерекшелігі. Осындай саяхаттардың арқасында біз бір-бірімізге деген төзімділік пен шыдамдылықты тәрбиелейміз. ЭКСПО-2017 көрмесіне келіп, мен қазақ халқының жаңа мәдениетімен және өмір сүру салтымен танысуға мүмкіндік алдым», - деп атап өтті саяхатшы.
Еске сала кетейік, бір апта бұрын ЭКСПО-2017 көрмесінде Грузиядан келген велосипедші Нодар Беридзе болған еді, оның мақсаты – әлемнің 30-ға жуық елінде болып қайту.
Осылайша, Астанадағы халықаралық мамандандырылған көрме күн сайын саяхатшылардың назарын аударып келеді деуге болады.