• Басты
  • ОҚО-да мектептерді робототехника кабинетімен жарақтандыруға 748 млн теңге бөлінген
27 Маусым, 2017 20:37

ОҚО-да мектептерді робототехника кабинетімен жарақтандыруға 748 млн теңге бөлінген

Өңірдің 128 мектебін робототехника кабинетімен жарақтандыруға 748,2 млн теңге қарастырылып отыр. Бұл туралы Оңтүстік Қазақстан облыстық мәслихатының кезекті он үшінші сессиясында облыс әкімі Жансейіт Түймебаев мәлім етті.

ОҚО-да мектептерді робототехника кабинетімен жарақтандыруға 748 млн теңге бөлінген | Strategy2050.kz

ОҚО әкімдігінің ақпараты бойынша, қайта нақтыланған бюджеттің ең көп соммасы яғни 1,5 млрд теңгесі  «Бизнестің жол картасы - 2020» бағдарламасы аясында кәсіпкерлікті қолдау мақсатына бөлінген.

Бұл қаржы банктегі несиелердің пайыздық мөлшерлемелерін субсидиялау үшін қосымша қаралып отыр. Биылғы жылы аталған мақсатқа  3 млрд бөлінген болатын, енді оған 1,5 млрд тенге қосылып жалпы 4,5 млрд тенгені құрады. Бұл банктерден шамамен 37 млрд тенгеге жуық инвестиция тартуға жол ашады, яғни кәсіпкерлерге осы сомаға несие алуға мүмкіндік бар.

Биыл Түркістан және Кентау қалаларындағы тұрғын үйлерді жаңғыртуға 491,5 млн теңге бағытталса,  Шымкент қаласындағы бұрынғы қоқыс полигоның аумағында саябақ салу және көшелерді жарықтандыру жұмыстарын жүргізу үшін 400,7 млн теңге жоспарлануда.

Бұдан бөлек, 6 білім беру нысанының құрылысын бастауға 55 млн теңге бөлінеді. Ал, міндетті әлеуметтік медициналық сақтандыру жүйесін енгізуге және орталықтандырылған ақпараттық жүйесіне көшу бағытында денсаулық сақтау саласының  медициналық ұйымдарына 1 732 дана компьютер сатып алуға 346,4 млн. теңге қарастырылып отыр.  Денсаулық сақтау саласын дамытуға жалпы 4 емхананың құрылысына және 2 жобаның жобалау-сметалық құжаттамасына 97 млн теңге бағытталатын болады.

Сессия барысында облыстық маңызы бар 2 автомобиль жолының құрылысын бастау және Астана даңғылының құрылысын жалғастыру үшін 224,4 млн теңге қарастырылды.

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды